Cederna Garalurren hileroko kolaborazioan, Marta Barba elikadura teknikariarekin hitz egin dugu gaurko saioan. Izan ere, Mendialdean nekazaritzan diharduten edo interes profesional edo pertsonala duen ororentzat saio irekiak antolatu dituzte. Larunbatean, goizeko 11:00etatik aurrera izanen da gure eskualdeko saioa, Imozko udaletxean (Etxaleku), baina herritarrek Mendialdeko beste edozein saiotan ere parte hartu dezaketela nabarmendu du teknikariak. 

Nekazaritzan eta elikagaien ekoizpenean lan egiten dutenentzat edo horretarako interesa dutenentzat saio irekiak antolatu ditu Cederna Garalur elkarteak Mendialdean. Imotzen otsailaren 14an, larunbatarekin, izanen da saioa, goizeko 11:00etatik aurrera, Etxalekun (udaletxean).

Imotzen eta Basaburuan lehen sektorean ari direnei edo jardun nahi dutenei zuzendutako saioa izanen da. Gaur egun eskualdean nekazaritzan edo elikagaien ekoizpenean jarduteko dauden zailtasunez eta erronkez, formazioaren alorrean dauden hutsuneez eta Cederna Garalurretik egin litezkeen lanketez hitz egiteko saioa izanen da, besteak beste.