Basaburuko, Imozko eta Ultzamako 40 bat lagunek egin zuten bat asteburuan Izan Bidea ekimenaren baitan deitutako martxarekin. Euskal preso eta iheslarien etxeratzea eskatu zuten herritarrek, eta Latasan (Imotz) beste bi zutaberekin egin zuten bat: Araitz-Larraundik eta Irurtzun-Arakildik zetozenekin. Zuzeneko musika, bertsolariak, mosaikoa eta pilota partidak izan ziren Latasako ekimenean.

Larunbat honetan euskal preso eta iheslarien etxeratzea eskatzeko martxa antolatu du Izan Bidea ekimenak. Larraun, Basaburua, Imotz, Irurtzun eta Arakil bailaren artean elkarlanean antolatu dute asteburuko ekimena.