Goiena Telebistak Iñigo Astizi eta Eñaut Elorrietari 'Enplego zoriontsuago bat' lanaren inguruan egindako elkarrizketa ekarri dugu gaurko saioaren lehen zatira. Izan ere, ostiral honetan, Larraintzarren emanen dute ikuskizuna. Saioaren bigarren zatian, Ofizio eta afizio saioaren atal bat entzun dugu, Patxi Irurtzun Ultzamako liburuzainarekin grabatutakoa.

Sakanako Kalaska kooperatiba ezagutzeko parada izan dugu gaurko irratsaioaren lehen zatian, Etxarri Aranatzen martxan jarri duten hiltegi txikia bultzatu duen egitasmoa. Saioaren bigarren zatian, Izan ginelako, bagara kolaborazioaren atal berri bat izan dugu. Gaurkoan, Juana Eroaren historia ekarri digu Izaskun Altuna ultzamarrak.