Burlatan jaio eta hazi zen Alfontso Iturria, ikasturte honetako azken Egun Ero Kantuz saioko gonbidatua. Musikari eta bereziki txistuari lotua eman du bizitza osoa, eta beraz, ez zaio erraza egin bere bizitzako soinu banda hamar kantetara mugatzea. Duela urte batzuk Muskitza etorri ziren bizitzera, eta han segitzen du gaur egun. Bere kantu kuttunak eta bizitzako istorioak ezagutu nahi? 

Labetik atera berri, irakurgai duzue honezkero ekaineko Pulunpe aldizkaria, 263. alea. Zer topatuko duzuen bertan? Global Summud Flotillan parte hartu duen Lander Aurrekoetxeari egindako elkarrizketa, Basaburuan ospatu den Nafarroako Bertso Eskolen egunaren ingurukoak, Mikel Belasko filologoak Erasoko leku-izenen inguruan emandako hitzaldia... eta beste hamaika kontu!