Lizasoko (Ultzama) Virginia Gerendiain Goñi izan dugu gaurko Egun Ero Kantuz saioko protagonista. Ultzaman jaio eta hazia, duela zenbait urte Orokietara (Basaburua) joan zen bizitzera, bikotekidearekin eta umeekin. Bere bizitzako hamar kantuen zerrenda ekarri digu... oso anitza, portzierto!

Ekofeminismoa landu da bereziki aurtengo martxoaren 8ra begira, "Mundu feminista, planeta jasangarri baterako" lelopean abiatu baitute kanpaina Nafarroako Berdintasun arlotik. Horren inguruan, hitzorduz beteriko programa antolatu dute eskualdean eta Amaia Paz Vallejo Berdintasun teknikariak kontatu digu Egun Ero irratsaioan.