Beramendiko festak
Larunbatean, irailaren 26an, hasiko dira Beramendiko festak, eguerdiko 12:00etako txupinazoarekin. Ondoren, etxez etxeko erronda eginen dute trikitilariekin. Arratsaldean, 16:00etan bingoa eginen dute, 17:00etan mus txapelketa, eta 17:45ean txokolatada. Gainera, 17:00etatik 20:00etara haurrendako puzgarriak ere izanen dira. Gaueko 22:00etan herri afaria izanen da, eta 00:30etik aurrera, DJ Bako ariko da musika pintxatzen.
Igandean, berriz, goizeko 10:30ean hasiko dira ekimenak, mus txapelketako finalarekin. 12:30ean 'Iluntze' taldearen kontzertu akustikoa izanen da, eta eguerdiko 14:00etan, bazkaria elkartean
Ilarregiko bestak
Ilarregin ere larunbatean, irailaren 26an hasiko dira bestak, eguerdiko 12:00etako txupinazoarekin. 14:15ean herri bazkaria eginen dute Iñaki Bizkaik lagunduta, eta arratsaldean, 18:00etan, mus txapelketa eta haurrendako jolasak izanen dira. 20:00etan herriko erronda eginen dute mkusikarekin.
Igandean, 11:30etan meza izanen da, eta 12:30ean luntxa.
Asteartean, irailaren 29an ere, 11:30ean Mikel Deuna patroiaren aldeko meza izanen da, eta 12:30ean, luntxa.
