Nafarroako Haur Eskolek greba eguna izan zuten atzo, maiatzaren 7a. 107 eskoletatik 70 batu ziren, haien artean, Basaburuko Ttikiena eta Ultzamako Xinbili Xanbala haur eskolak. Gelen masifikazioaz, laguntzaile-lanpostuen tranpaz, horietako baldintza prekarioez, izoztutako soldatez ohartarazi dute. 

60 urte bete ditu Larraintzarko ikastetxeak, eta urteurren borobil horren ospakizuna eginen dute maiatzaren 9an, egun osorako prestatu duten bestarekin. Bazkariko txartelak erosteko azken eguna apirilaren 30a izanen da. Alvaro Garde eskolako zuzendaria izan dugu gaurko irratsaioan,  egunaren xehetasunak emateko.