Cederna Garalurren txokoa

Aurtengo Mendialdeko Azoka Ibiltariaren lehenbiziko hitzordua izan zen larunbatean Arriben, eta gaurko Cederna Garalurren tartea aprobetxatu dugu ekimenaz gehiago jakiteko. Marta Barba elikadura teknikariarekin hitz egin dugu horretarako. Hurrengo azoka maiatzaren 17an izanen daLekunberrin, eta gure eskualdekoa, berriz, ekainaren 28an Goldaratzen (Imotz), Xenden Egunarekin batera. 

Cederna Garalur landa garapen elkarteko hileroko kolaborazioa izan dugu gaurko irratsaioan, Elena Irigoien teknikariaren eskutik. Martxoaren 25ean eta apirilaren 1ean eginen duten salmenta ikastaroari buruz eta zaintzari lotuta esku artean dituzten formazioen inguruan aritu zaigu gaurkoan. 

Cederna Garalurren hileroko kolaborazioan, Marta Barba elikadura teknikariarekin hitz egin dugu gaurko saioan. Izan ere, Mendialdean nekazaritzan diharduten edo interes profesional edo pertsonala duen ororentzat saio irekiak antolatu dituzte. Larunbatean, goizeko 11:00etatik aurrera izanen da gure eskualdeko saioa, Imozko udaletxean (Etxaleku), baina herritarrek Mendialdeko beste edozein saiotan ere parte hartu dezaketela nabarmendu du teknikariak. 

Leitzako Mimukai zentroan soziosanitario espezializaziorako ikastaroak eskainiko ditu Cederna Garalur landa garapenerako elkarteak. Lide Uitzi teknikariak eman dizkigu azalpenak gaurko saioan. 

RuralNav proiektuaren baitan, Mendialdeko eskualdean zaintzen inguruan dauden indarguneak eta hutsuneak identifikatzeko lanean aritu da Cederna Garalur elkartea, eta horren ingurukoak azaldu dizkigu gaurko elkarrizketan Elena Irigoien teknikariak. 

Cederna Garalur landa garapeneko elkarteko Ainhoa Oribe eta Gustavo Ortiz de Barron garapen agenteak izan ditugu gaurko kolaborazioan. Mendialdeko eskualdean (gure bailararen kasuan, Imotz eta Basaburua) aritzen da Oribe, eta Ortiz de Barron, berriz, sortu berria den 'Ibarrak' eskualdean (eskualdeko Ultzama, Atetz eta Odieta).