Asteak daramatzate Larraintzarko ikastetxeko maila guztietako ikasleek irratsaioa prestatzen. Haur Hezkuntzako lehendabiziko mailakoetatik hasi eta 4. DBHko ikasleetaraino, gela gehienetako ikasleak pasatuko dira Larraintzarko eskolan prestatu duten irrati estudiotik.
Gai asko jorratuko dituzte ikasleek irratsaio berezian: olerkiak irakurriko dituzte, abestiak abestu, zetazko beldarren inguruan ariko dira batzuk, ipuin eta ilustrazio lehiaketaz ariko dira besteak... denetik izanen da.
Irratsaio berezia dela eta, ohiko Egun Ero magazinik ez da izanen goizeko 10:00etan. Horren ordez, 11:00etatik aurrera izanen da Egun Ero berezia, Larraintzartik zuzenean emititua.