Memoriaren txokoa

1513ko otsailaren 2an, Taino herri indigenaren buruzagia bizirik erre zuten espainiarrek Kuban. Efemeride hori oinarri hartuta, herri Tainoaren historiaz, Espainiarren kolonizazioak haiekin egin zuen triskantzaz eta gaur egungo egoeraz aritu gara gaurko Memoriaren Txokoa saioan. 

1853ko urtarrilaren 25ean, duela 173, Eulalia Abaitua Allende-Salazar jaio zen Bilbon, Euskal Herriko lehen emakume argazkilaria. Bilboko langile eta nekazari giroetan eta haien ospakizunetan egindako argazkiengatik nabarmendu zen Abaitua, baita emakumeei egindako erretratuengatik ere. Gaurko Memoriaren Txokoa saioa, berari eskainia. 

Urtarrilaren 6an bost urte bete ziren AEBetan Donal Trumpen eskuin muturreko jarraitzaileek Kapitolioa hartu zutenetik. Efemeride hori landu dugu gaurko Memoriaren txokoan, gertaeraz beraz, testuinguruaz eta Trumpen lehenbiziko legealdiaz hitz egiteko. 

Duela 41 urte, 1984ko abenduaren 10ean, Britainia Handiko meatzarien greba ekonomikoki babesteko jaialdia antolatu zuen Meatzarien Babeserako Gay eta Lesbianen elkarteak. Borroken arteko elkartasunaren adibide bihurtu zen LGTBQ+ mugimenduak antolatutako ekimena, duela urte batzuk Pride pelikulan jasoa izan zena.  Efemeride horren inguruan aritu gara gaurko Memoriaren Txokoan. 

1974ko azaroaren 24an, Lucy-ren hezurdura aurkitu zuten Etiopian, giza arbasoen arrastorik zaharrenetakoa. The Beatles taldearen Lucy in the sky with diamonds jarri zuten irratian aurkikuntzaren momentuan, eta hortik datorkio izena. Historiaurreko hominidoen eta gizakien eboluzioaren errepasoa egiteko aprobetxatu dugu gaurko irratsaioan. 

Azaroaren 6an 50 urte bete ziren ehunka milaka marokoarrek Mendebaldeko Sahara okupatzeko 'martxa berdea' abiatu zutela, eta azaroaren 10ean, berriz, 15 urte bete ziren Gdeim Izik kanpaleku desobedientetik. Bi efemeride horiek oinarri hartuta, Mendebaldeko Sahararen inguruan egin dugu gaurko Memoriaren Txokoa. 

Urriaren 27an 14 urte bete ziren Yolanda Barcina Nafarroako Presidenteari tartakada eman ziotenetik. AHTaren kontrako Mugitu! mugimenduko kideek egin zioten opari gozoa... AHTaren kontrako mugimenduaz, Yolanda Barcinaz, tartakaden mugimendu politikoaz eta beste aritu gara gaurko Memoriaren txokoan. 

2014ko urriaren 11n 100.000 lagunetik gora bildu ziren Dublinen ur pribatizazioaren kontrako protestan, eta hurrengo urteetan ere desobedientzia ekimen ugari egin zituzten testuinguru horretan. Efemeride hori ekarri dugu gaurko Memoriaren Txokoa saiora, Irlandako mugimenduaz eta ur edangarrirako sarbidearen eskubideaz aritzeko. 

Ekin diogu aurtengo Memoriaren Txokoa irratsaioari ere. Lehenengo saio honetan, Hugo Chavez Venezuelako presidenteak George W. Bush AEBetako presidenteari 'deabru' deitu zionekoa izan dugu gogoan. Efemeride hori aprobetxatu dugu Chavezen inguruko irratsaioa egiteko.