Elkarrizketa

Apirilaren 24an hasiko da Mendialdeko Azoka Ibiltaria, Arriben

Aurreko urteetako arrakastaren ondoren, bueltan da berriz Mendialdeko Azoka Ibiltaria. Lehen azoka Arriben izanen da, Araitzen, apirilaren 24an. Ondoren, beste zortzi azoka eginen dira eskualde desberdinetan, tartean Imotzen, Basaburuan eta Atetzen. Cederna Garalurreko Amaiur Unzueta teknikariak xehetasunak eman dizkigu gaurko saioan.

Data hauetan izanen dira aurtengo azokak, herriz herri:

  • Apirilak 24, Arribe (Araitz)
  • Maiatzak 8, Lekunberri
  • Maiatzak 15, Gorriti (Larraun)
  • Ekainak 5, Goizueta
  • Ekainak 19, Leitza
  • Uztailak 2, Latasa (Imotz)
  • Uztailak 24, Basaburua
  • Abuztuak 14, Areso
  • Irailak 4, Beuntza (Atetz)

Azokako postuei dagokionez, elikagaien eta artisauen postuak izanen dira aurtengoan ere. Arrautzak, gazta, jogurta, mamia, hestebeteak, eztia, marmelada, garaiko barazkiak, sagar zukua, garagardoa, sagardoa, taloa, txokolatea, fruitu lehorrak, patea... etxerako erosketa osorik egiteko aukera izanen da. Artisauen artean ere, denetik izanen da: xaboiak, larrua, kosmetika, zapatak, bitxiak...