Ultzamaldeko Gizarte Zerbitzuen Mankomunitateak eta Euskara Zerbitzuak gazteendako aisialdia euskaraz bultzatzeko asmoz abiatu zuten LarunbatERO proiektua, eta urteetan egon da martxan eskualdean. Gazteendako irteerak proposatu dituzte urteotan, aisialdirako plan desberdinak antolatuz, beti ere euskara bultzatzeko asmoz. Parte hartze faltagatik egitasmoa bertan behera uztea erabaki dute bultzatzaileek. Felix Altzelai euskara teknikaria eta Miren Uharte gizarte hezitzailea elkarrizketatu ditugu.

Zer jan, hura izan kolaborazioa izan dugu gaurko irratsaioan Laia Llop nutrizionistaren eskutik. Gaurkoan, otorduak planifikatzearen garrantziaz aritu zaigu, elikadura osasuntsu bat bermatze aldera.