Badena eta eztena historia kolaborazioaren ikasturteko lehenbiziko atala izan dugu gaurko irratsaioan. Aurten, landareen izenak eskualdeko toponimiarekin lotuko dituzte Mikel Lakastak eta Eneko Iurramendi 'Tintok', eta zuhaitz eta landare horietako bakoitzaren historiako pasarteak eta bitxikeriak ere ekarriko dizkigute... gaurkoan, haritza izan dugu protagonista. Anueko herri baten izena gogora ekarriko dizue arbola horren izenak, ezta? 

Larraintzarko ikastetxeko Sustraiak guraso elkarteak lanketa zabala egin du azken hilabeteotan gaztainaren eta gaztain kulturaren inguruan. Ibilbidea bukatzeko, dokumental eder bat sortu dute, pasa zen ostiralean Larraintzarko Bentan aurkeztu zutena. Virginia Iragik xehetasun guztiak kontatu dizkigu gaurko irratsaioan.