Andoni Gaskue pilotari ultzamarrak promoziozko binakako txapela irabazi zuen martxoaren 22an, eta berarekin izandako elkarrizketa ekarri dugu gaurko irratsaioaren lehen zatira. Ondoren, internazionalismo kolaborazio berri bat izan dugu Txuri Ollo goldaraztarraren eskutik. Gaurkoan, Serbia eta Kosovo izan ditu hizpide.

Manifestazio jendetsuak eta grebak izan dira azken hilabeteotan Serbian, hango presidente kontserbadorearen aurka. Serbiako politika, gainera, zuzenean lotuta dago Kosovokoarekin, eta bi herrialdeak izan ditu hizpide internazionalismoaren tartean Txuri Ollok. Zer ari da gertatzen Yugoslavia ohiko herrialdeetan? Zerk eraman ditu gaurko egoerara? Azalpen argigarriak eman dizkigu internazionalista goldaraztarrak.