EgunEro Kantuz

Asier Mateo Urdin barañaindar imoztartua izan dugu gaurko Egun Ero Kantuz irratsaioko gonbidatua. Barañainen jaio eta hazia, bost urte daramatza gurean. Bere bizitzaz, musikaz, eta beste hamaika kontuz aritu gara gaurkoan. 

Ariane Usarbarrena Ekiza izan dugu gaurko Egun Ero Kantuz irratsaioko protagonista. Burlatarra da bera, baina han eta hemen bizi izan da, herri eta herrialde desberdinetan. Iaztik, Ultzamaldeko euskara teknikari gisa ari da lanean gurean. Bere bizitzako pasarteak eta hamar kanta kuttunak ezagutu nahi? 

Karmentxu Garces Ducar aizaroztarra izan dugu gaurko Egun Ero Kantuz irratsaioko gonbidatua. Txantrean jaio eta hazia, gaztetan iritsi zen gure eskualdera Gizarte Zerbitzuetan lan egitera, eta geroztik hemen bizi da, gaur egun Aizarotzen. Bere bizitzako hamar kantu kuttunak eta hainbat pasarte ezagutu nahi? 

Amaia Urdaniz Ostiz aritzuarra izan dugu gaurko Egun Ero Kantuz irratsaioko protagonista. Atarrabian bizi da gaur egun, baina harreman estua mantentzen du eskualdearekin. Arte Ederrak ikasi zituen Bilbon, eta irakasle aritu da azken urteetan. Bere bizitzako pasarteak eta hamar kanta kuttunak ezagutu nahi? 

Ekin diogu ikasturte honetako Egun Ero Kantuz irratsaioari! Aizarozko Gorka Ramirez Cachafeiro izan dugu lehendabiziko gonbidatua. Donostiako Egia auzoan jaioa, urteak daramatza eskualdean bizitzen, eta Aizarotzen sortu berri den Kontzejuko kide ere bada. Bere bizitzako istorioa eta hamar kanta kuttunak entzun nahi?