Bi urtez, Urritzola-Galaingo bestetan hartu dituzte almandoztarrak, herri kirol desafioa burutzeko. Orain bisita itzultzeko unea zen. Larunbatean egin zuten apustua, 12:00etan, eta segundo gutxirengatik galdu zuten ultzamarrek. Ondoren, zikiroa jan, bazkalostea eta dantzaldia ere izanen dituzte herriko frontoian. Bazkarirako 120 mahaikide inguru izan ziren.
Herri kirol probak askotarikoak izan ziren:
1. Koxkoen bilketa
2. Esneko kantinak eramatea
3. Korrika egitea
4. Kakolan belarra eramatea
5. Garo-meta
6. Enbor bat karretilean eramatea
7. Trontza
8. Belar-bola bat igotzea
9. Ingudea
10. Motozerrarekin enborrak moztu eta egurra pilatu
11. Traktore AGRIA bat arrastatzea
Urritzola-Galain osoa murgildu zen ekitaldian: 16 lagun lehian baina guztira 50 herritar baino gehiago joan ziren. Horregatik, kontzejuak autobusa kontratatu zuen.
