Oraindik ez dira hasiko entrenatzen, partaide gehiago behar dituztelako. Abuztua bukatu baino lehen bilerak deitu nahi dituzte, proiektua bideragarria den erabakitzeko.
Joan zen urtean sortu zuten BRT Menditarrakeko nesken taldea. Baztangoko jokalariekin batera, Ultzamaldeko hainbat neska ere animatu ziren parte hartzera, eta, orain, neska gehiago animatzea nahi dute, baita eskualdean ere, proiektuaren bideragarritasuna bultzatzeko. Maite Ibarra alkoztarra, taldeko kidea da: "Eskualdekoak BRT neskekin errugbia probatzera animatzea nahi dugu, proiektu berri bat baita eta hasitakoari segida ematea eskualdeko kirolari bultzada bat ematea litzatekeelako".
Baten batek interesa izango balu ala informazio gehiago eskuratu nahiko balu hurrengo telefonora deituz edo idatziz jarri daiteke harremanetan: 608 16 22 93 (Maite).
Behean, Maite Ibarrari joan zen ikasturtean egin genion elkarrizketa duzue. Proiektuaren nondik norakoak eta nondik sortu zen kontatu zigun, baita orduan eginen zituzten entrenamenduaren inguruko xehetasunak. Aurten, aipatu bezala, oraindik ez dira entrenamenduekin hasiko, taldea pixka bat handitu bitartean.
