Zubiaren aste arraro xamar honetan, Durangoko Azokara begira jarriko gara Egun Ero irratsaioan, eta ohikoa baino saio kulturalagoa eginen dugu. Gaurkoan, sustrai imoztarrak dituen Amaia Apalauza Ollo elkarrizketatu dugu saioaren lehen zatian, itzuli berri duen bell hooks idazlearen Transgresioa irakasgai liburuaren inguruan. Bigarren zatian, Durangoko Azokan salgai egonen diren bi disko gomendio ekarri ditugu: Txuma Murugarrenen 'Gautegia', eta Izaroren 'Cerodenero'.