Herri kirol apustuaz gain, beste hamaika ekimen izanen dira larunbatetik asteartera. Abuztuaren 12an, puzgarriekin hasiko dute eguna, goizeko 10:30ean. 12:00etan izanen da txupinazoa eta pulunpe jotzea, eta ondoren, 12:30ean, frontenis txapelketako finalak jokatuko dira. Arratsaldean, berriz, aipatutako apostua eta beste aizkora apostu bat izanen dira. Eugi eta Peru Kikirri eta Laureanoren aurka arituko dira bigarren dema horretan. 20:00etan, dantzaldia, 22:30ean afari herrikoia, eta ondoren, gauean, Luzianorekin dantzaldia izanen dira. Goizeko 6:00etan salda eta bustiak egonen dira parrandazaleentzat.
Abuztuaren 13an, igandearekin, 12:00etan puzgarriak izanen dira, eta eguerdiko 14:30ean Galaingo zikiro bazkaria. Arratsaldeko 16:30ean Eztanda txarangarekin kopa itzulia izanen da, eta 18:00etan, ginkana eta txokolatada Galainen. 22:00etan afari-lehiaketa izanen da, ajoarriero eta tortilla prestatu beharko dituzte lehiakideek. Bukatzeko, 00:00etan, DJ Urri y Gala izanen da musika jartzen.
Abuztuaren 14an, 12:00etan berriz puzgarriak izanen dira, eta 13:30ean usadiozko hamaiketakoa: txerribuztana, ardit txuletak eta tirri-tarra. 16:30ean kopa itzulia eginen dute, Julen Cobosekin lagunduta. Iluntzean, 20:00etan entzierro txikia izanen da, eta ondoren, 22:30ean, afari herrikoia. 1:00etan Luziano arituko da, eta goizalde arte luzatuko da festa.
Abuztuaren 15ean, ezkil jotzearekin hasiko da eguna 12:30ean. 13:00etan Asuncion amabirjinaren ohorezko meza izanen da, eta 13:45ean, omenaldia eginen zaie 80 urte betetzen dituztenei. 17:30ean puzgarriak izanen dira, 18:00etan pilota partidak Buruzgain klubaren eskutik, eta 20:00etan Los Tajudos del Norte mariatxiak. 21:00etan bingoa eginen dute, eta festei amaiera emateko, 22:30ean 'gaixoa ni' izanen da.
