Eltzaburuko (Ultzama) Ana Mindegia izan dugu gaurko Egun Ero Kantuz saioko protagonista. Oreretan jaio zen Ana 1967an, gurasoak Oitz (Nafarroa) utzi eta hara joan zirelako lan bila. Oitzekin eta Nafarroarekin lotura estua mantendu du txikitatik, dena dela. "Oreretan naparra nintzen, eta Oitzen giputxia", gogoratu du umorez. Magisteritza ikasketak egin arren, 32 urte daramatza Uharten euskara teknikari, eta Eltzaburuko Kontzejuko kide ere bada gaur egun. Bere bizitzako pasarteak eta hamar kanta kuttunak ezagutu nahi?