Musa, kontzertuak, pelikulak, bertsolaritza, tailerrak... mota askotariko hitzorduek osatzen dute aurtengo eskualdeko Korrika Kulturala. Gaurdanik eta apirilaren 9ra bitartean eskualdea zeharkatuko dute ekintza kulturalek. Lehenengoa Olaguen izanen da gaur, mus txapelketa antolatu baitute ostatuan, 18:00etan.
Bi batzorde aritu dira buru belarri programazioa osatzeko. Bata, Ultzama, Odieta, Atetz eta Anue bailarak batuz. Bestean Imotz eta Basaburua ibili dira elkarrekin. Hemen dituzue bakoitzak prestatu dituen egutegiak osorik.
Ultzama-Odieta-Atetz-Anue:
Basaburua-Imotz:
Korrika Kulturalak euskarazko hitzordu kultural mordoa ekarriko dizkigu, aurreko edizioetan bezala. Baina, gogoratu, apirilaren 5ean, asteartearekin, zeharkatuko duela 22. Korrikak gure eskualdea. Arraiztik sartuko da gurean, goizeko 10:05ean, Baztanetik etorria, eta Alkotz eta Iraizotz pasatu ondoren 10:44ean zeharkatuko du Larraintzar. Ondoren, Auza pasatu ondoren Basaburuan sartu eta Gartzarondik pasatuko da, 11:49an Jauntsaras igarotzeko. Handik Berueteraino igoko da Basaburutik atera eta Aldatzerako bidea hartzeko. Hurrengo esteka honetan ikusi dezakezue ibilbidea osorik eta xehetasun guztiak: https://www.korrika.eus/eu/ibilbidea.
