Iluntzean, 21:30ean izanen da suziria eta herriko musikariekin kalejira izanen da segidan. 22:00etan, afari herrikoia eginen dute, eta afalondoan, 'Eraso Kantuz' izanen da, Mikel Kinterok alaiturik. 00:00etan dantzaldia izanen da Kinterorekin, eta gaua amaitzeko, goizeko 5:00etan DJ Txoki izanen da.
Larunbatean, abuztuaren 19an, 11:00etan hasiko da eguna dianekin, eta 13:00etan, patata tortilla txapelketa izanen da. Arratsaldean, berriz, 18:00etan mozorro-erronda eginen dute Barriobeitin, eta 22:30ean afaria izanen da. Afarian izena emateko epea abuztuaren 16an izanen da, 622 539 983 telefonoan. Afalondoan, 00:30ean Alarma Morea taldearen kontzertua izanen da, 'errunba flamenko feminista', taldeak deskribatzen duenez. 02:00etan DJ Hannibal Selecter ariko da, eta 05:00etan, berriz, DJ Txoki.
Igandean, abuztuaren 20an, berriz ere dianekin emanen zaio egunari hasiera, 11:00etan. 12:30ean pilota partidak eta txistor-jatea izanen da. Arratsaldean, berriz, haurrendako jokoak izanen dira plazan. 19:00etan txokolate-jatea eginen dute eta 19:30ean Kinterorekin dantzaldia izanen dira.
Ekimen horiez guztiez gain, haurrendako puzgarriak ere asteburu osoan egonen dira.
