Eguerdiko 12:00etan emanen diote hasiera egun bateko egitarauari, suziriarekin, puzgarriekin eta bermut musikatuarekin. Ondoren, 15:00etan, bazkaria eginen dute norberak eramandako janariarekin, eta musikaz lagundutako bingoarekin girotuko dute bazkaria.
Arratsaldeko 18:00etan idi-dema eta zaldi-proba izanen dira, eta 20:00etan, Saralegi taloak izanen dira dastatzeko. 21:00etan dantzaldiari emanen diote hasiera, Bixenteren doinuekin. 00:00etatik aurrera, gorputzak eusten duen arte pesta luzatzeko aukera egonen da.
