Ostegunean, hilaren 14ean, goizeko 11:00etan etxez etxeko erronda eginen dute, eta 15:00etan bertso bazkaria izanen da Julio Soto eta Andoni Egaña bertsolariekin. Iluntzeko 20:00etan dantzaldia izanen da Modestorekin; 22:00etan herri afaria; eta gaua amaitzeko, 00:30etatik aurrera, berriz ere Modesto izanen da.
Ostiralean, hilaren 15ean, etxez etxeko erronda eginen da goizeko 11:00etan, eta arratsaldean ere, 18:00etan, erronda kopera izanen da. 20:00etan dantzaldia antolatu dute, kasu honetan DJ GAZTEMUSICen eskutik. 22:00etan afaria, eta ondoren, 01:00etatik aurrera, dantzaldia luzatuko da aurreko talde berarekin.
Larunbatean ere goizeko 11:00etan hasiko da eguna errondarekin; 18:00etan mus txapelketa eta Levelivular taldearen zirku ikuskizuna izanen dira; 20:00etan dantzaldia Kapitan Generalekin, 21:30ean zezensuzkoa, 22:00etan suziriak, eta 01:00etatik aurrera berriz ere dantzaldia.
Igandean, ohi bezela 11:00etan erronda eginen dute, 18:00etan mus txapelketaren finala jokatuko da eta aizkolariak ere izane ndira: Txomin Amundarain eta Eneko Saralegi. 20:00etan txistorrada eginen dute, eta 22:00etan, sari banaketarekin emanen diete amaiera festei.