Uztailaren 25ean, larunbatarekin, goizeko 10:00etan emanen diote hasiera egunari, frontenis txapelketako finalak jokatuz. Ondoren, 12:00etan, herri kirolak eta bermuta izanen dituzte, eta segidan, bazkaria.
Bazkalondoa akordeoiarekin girotuko dute 16:30ean, eta ondoren, 18:00etan, batukada feminista izanen da. 19:30ean musikarekin segituko dute, Destino Sonora mariatxiak emanen baitu kontzertua. Iluntzeko 21:30ean zezen suzkoa eta 22:00etan txistorra eta hirugiharra afaltzeko aukera egonen da. Beuntzako ostatuan egunean bertan afarian izena emateko aukera egonen da.
23:00etan bingo musikatua antolatu dute, eta egunari bukaera emateko, gaueko 00:00etatik aurrera DJ Txamarra ariko da zuzenean, goizaldera arte...
Bestalde, egun osoan zehar haurrendako puzgarriak izanen dira, eta igandean, arratsaldeko 16:00etan garbiketa auzolana deitu dute.
Bazkarirako menu aukera
Hiru menu aukera jarri dituzte antolatzaileek bazkarirako: menu arrunta (pulpo eta ganboi entsalada, otarrainxkak mahonesarekin eta pikillo piper beteak hasteko, karrilerak eta legatza bigarrenerako aukeran, eta postrea) 38 eurotan; menu begeta (letxuga, patata, tomate eta aguakate entsalada, kuiatxo beteak eta barazkiak tenpuran hasteko, espinaka lasagna bigarren, eta gazta tarta edo zanahoria tarta aukeran postrerako) 25 eurotan; eta umeentzako menua (makarroiak bolognesa erara, sanjakoboa patatekin eta txokolate tarta), 18 euroan. Uztailaren 20an bukatuko da bazkarian izena emateko epea.