Abuztuaren 14an, astelehenarekin, goizeko 10:00etan hasiko dira ekimenak, hamaiketako autogestionatuarekin. 12:00etan frontenis txapelketa izanen da, eta eguerdian, kaldereteak. Arratsaldean, 18:00etan ronda koperarekin jarraituko du festak; 21:00etan DJ Kapitan General izanen da musika jartzen, eta 21:30ean, berriz, suzko zezena aterako da. 22:00etan afari herrikoia izanen da, eta gauerditik aurrera, berriz ere DJa.
Abuztuaren 15ean bukatuko dira herriko festak. Goizeko 11:00etan meza izanen da, 12:00etan pilota partidak eta frontenis txapelketako finala. Arratsaldean, 19:00etan, mozorroen desfilea izanen da, eta ondoren, 20:00etan dantzaldia Luzianorekin. Gauean, berriz, 21:30ean suzko zezena aterako da, eta 22:00etan sarien banaketarekin eta 'gaixoa ni' abestuz emanen diete amaiera festei.
Herri bazkarian izena emateko epea abuztuaren 9a izanen da, eta whatsapp bidez eman beharko da izena. Bestetik, azpimarratzekoa da egun guztietan haurrendako puzgarriak egonen direla, eta gauetan, bingoa.