Ostiralean, abuztuaren 4ean, 'Iluna ekoizpenak' eskainiko duen antzerkiarekin emanen diote hasiera festari. Arratsaldeko 20:00etan izanen da, Etulaingo elkartearen ondoan. Ondoren, 21:00etan txistorrada izanen da, eta gauean, berriz, 22:30ean, mus txapelketako finala elkartean.
Larunbatean, goizetik hasiko da festa: 10:30etatik aurrera artisauak egonen dira haien postuekin San Esteban kalean, eta antzinako autoen erakusketa ere egonen da. 11:00etan meza izanen da, eta ondoren, elizaren atarian, luntxa. 12:00etan herri kirolak izanen dira Etxezuriaren zelaian, eta ordu berean, haurrendako puzgarriak ere egonen dira. 13:00etan trial erakustaldia izanen da Benito Rosekin, iturriaren ondoan, eta ondoren, 14:15ean, bazkaria izanen da frontoian. Bazkalondoa Jose Angelek alaituko du, eta haurrendako berriz puzgarriak eta aurpegi-pintatzeak egonen dira. 18:00etan, Los Tajudos del Norte taldearekin mariatxiak izanen dira. 22:00etan, indarrak hartzeko food truck erraldoia izanen da afariak emateko, eta gauerditik aurrera, DJ Sesion Kapitan Generalek frontoian festa giro ederra jarriko du.