Elkarrizketa

Parke eoliko proiektuaren aurka mugitzen hasi dira Etsainen ere

Iosu Alfaro Etsaingo (Anue) herritarra elkarrizketatu dugu gaurko irratsaioan, Sacyr enpresak eraiki nahi duen Nafarroa 4 parke eolikoak herriari nola eraginen liokeen hobeki ezagutzeko. Hasiera batean hiru haize sorgailu aurreikusten ziren proiektuan, baina azken hilabetean egitasmoan egin dituzten aldaketekin zazpi dira Etsainen joanen liratekeen 200 metrotako errotak.

Proiektuaren hastapenetan herritarren artean iritzi desberdinak zeuden, eta kontzejuan bozkaketa egin ondoren, proiektuaren aldeko jarrera atera zen nagusi. Orain, azken aldaketekin, jende gehiago ari da egitasmoaren kontra azaltzen eta bozkaketa berri batean, ezezkoa nagusitu da. Horrela, irailaren hasieran Haize Berriak plataforma Olaguen (Anue) eta Etsainen bertan (Anue) izan zen hitzaldia ematen eta alegazioak aurkezteko sinadura bilketa egiten.

Izan ere, proiektuaren aurkako helegiteak aurkezteko epea zabaldu du Nafarroako Gobernuak, urriaren 4ra arte. Hilaren 1a arte, ostiralera arte, gurean eta Nafarroako beste hainbat tokitan aurkeztu daitezke helegiteak:

Erlazionatuak

Anuen proiektatutako parke eolikoan, aldaketak

Anue

Hasiera batean hiru aurreikusten baziren ere, zazpi aerosorgailu jarriko lirateke, orain, Etsaingo mugan. Nafarroako Aldizkari Ofizialean argitarat...