Ingudean 116 altxaldi egin dituzte, Iruritak baino bat gutxiago. Txingetan ordea, atzean utzi dute nabarmen Irurita, bi minutu baino gehiagoko aldearekin. Izan ere, 4'06 lortu du Ultzamaldeak eta 6'20 Iruritak. Horrela eta zorionez, txapela etxean gelditu zen.
Txapelduna: ULTZAMALDEA
Ingudean 116 altxaldi (58 gizonezkoak / 58 emakumezkoak) – 3 puntu
Txingetako denbora 4:06 (2:02 gizonezkoak / 2:04 emakumezkoak) – 4 puntu 7 puntu guztira
Bigarrena: IRURITA
Ingudean 117 altxaldi (55 gizonezkoak / 62 emakumezkoak) – 4 puntu
Txingetako denbora 6:20 (4:24 gizonezkoak / 1:56 emakumezkoak) – 1 puntu 5 puntu guztira
Hirugarrena: TXANTREA *
Ingudean 99 altxaldi (48 gizonezkoak / 51 emakumezkoak) – 1 puntu
Txingetako denbora 4:27 (2:34 gizonezkoak / 1:53 emakumezkoak) – 3 puntu 4 puntu guztira
Laugarrena: BORTZIRIAK *
Ingudean 104 altxaldi (47 gizonezkoak / 57 emakumezkoak) – 2 puntu
Txingetako denbora 6:01 (2:53 gizonezkoak / 3:08 emakumezkoak) – 2 puntu 4 puntu guztira
Jardunaldiaren pasadizoan, ordea, Txantrea eta Bortziriak izan dira protagonista. Hirugarren posturako berdinduta gelditu baitira. Berdinketa hausteko, zozketaz erabakitako proba egin dute: emakumezkoen txinga. Txantreako neskak 2 minutu eta 34 segundotan amaitu du lana; Bortziriakoak, berriz, 3 minutu eta segundo batean. Beraz, hirugarren postua Txantrearentzat izan da.
Lehenengo konbinatuan pena izan da segundo bakar batengatik galdu baitute txapela eta bigarren postuarekin konformatu behar izan. Oso leihatua izan da baita hirugarren gelditu den Berriozar taldearekin. Azken postua Txantreak lortu zuen.
Txapelduna: IRURITA 23:48
Bigarrena: ULTZAMALDEA 23:49
Hirugarrena: BERRIOZAR 25:01
Laugarrena: TXANTREA 26:51
Uztaila amaieran hasi zen herriz herrikoa eta Ultzamaldeko garaipena ez da harritzekoa izan. Taldea finalerako lehena sailkatu zen bigarren proba konbinatuan, puntuaziorik altuenarekin; eta, bigarren denborarik onena lortu zuen lehenengo proba konbinatuan.
Txapelketaren informazio eta emaitza guztiak Nafarroako Herri Kirol Federaziaoren webgunean daude ikusgai: https://herrikirolaknafarroa.org/documents/nafarroako-herriz-herri-txapelketa-2026/
Taldea sortu zenetik emaitza ederrak lortu ditu. 2024an finalista izan zen bi konbinatuetan eta joan zen urtean, gainera, txapelduna lehenengo proban. Bigarren konbinatuan hirugarrenak izan ziren baina Maika Iraizozek errekorra egin zuen ingudean 64 kolpe eman zituelako 60 segundotan. Oraingoan bigarren konbinatuan izan dira txapeldunak eta ia-ia lehenengoan ere.