Musika, olerkiak, asmakizunak, euskal mitologiaren inguruko atala, elkarrizketak, literatura tartea... hamaika kontu eta kantu ekarri dizkigute Larraintzarko ikasleek Txutxumutxu Irratiko irratsaio berezira. Atzo Euskararen Eguna izan zela aprobetxatuz, bere tokia eskaini nahi izan diote ikasleek. Gurasoen eta entzuleen parte hartzea ere izan dugu, zuzeneko dei eta mezuen bidez.
Haur Hezkuntzako, Lehen Hezkuntzako eta Derrigorrezko Bigarren Hezkuntzako ikasle ugari pasatu dira eskolako musika gelan muntatu duten irrati estudiotik. Ikasturte honetako lehenbiziko irratsaioa izan da, baina ez da azkena izanen. Izan ere, ikasturtean gehiagotan elkarlanarekin segitzea da asmoa.
