Martxoaren 10etik 26era bitartean izanen da Errigorako udaberriko kanpaina. Nafarroako hegoaldeko ekoizleen oliba-olio birjina estra, ardoa, arroza, pasta, lekaleak eta kontserba sortak eskuratzeko aukera dago oraingo kanpainan. Aintzane Ariztegi Errigorako kideak xehetasunak eman dizkigu gaurko irratsaioan.
Ekoizlearen jatorrizko prezioan eskuratu daitezke produktuak, dena euskaraz etiketatua. Izan ere, elikadura burujabetza, bertako kontsumoa eta euskara sustatzeko ekimen herritarra da Errigora. Informazio guztia eta eskaerak Errigora.eus webgunean egin daitezke.