Epe horretan, abuztuaren 19tik urriaren 31ra bitartean, trafikoa NA-1210 errepidetik desbideratuko da, eta ibilgailu astunek A-15 eta AP-15 autobideak alternatiba gisa erabiltzea gomendatu du gobernuak. Hala ere, A-15 errepidea, gutxienez irailaren 1era arte, obretan egongo da Andoain aldean.
Oscar Txibite, Nafarroako Gobernuko Lurralde Kohesiorako kontseilariak adierazi duenez, tunelen itxierak errendimendu handiagoa emango die lanei, eta lanak osatzeko behar den denbora murriztuko du, obren eremuan trafikorik ez dagoelako. Itxiera gidarientzat deserosoa izan daitekeen arren, pertsonen segurtasuna bermatzeko eta lanetan gorabeherak gertatzeko arriskua saihesteko beharrezko neurria dela azaldu du.