Gartzarongo pilota txapelketako partidak, asteburuan

Gartzarongo XXXIX. Pilota Txapelketa abian da, eta asteburu honetan ere partidak izanen dira.

Larunbatean, Latasan izanen dira partidak, herriko festak direla aprobetxatuz. Goizeko 11:00etatik aurrera izanen dira umeen, haurren eta helduen partidak.

Larunbat arratsaldean, berriz, Gartzaronen izanen dira haurren, gaztetxoen eta helduen partidak, 16:00etatik aurrera.

Bukatzeko, igandean, goizeko 10:00etatik aurrera jokatuko dituzte Gartzarongo frontoian partidak. Haurren, gaztetxoen eta helduen partidak izanen dira kasu honetan ere.