Gasteiz iluntzean utzi eta Arabar Lautadatik Nafarroan sartu zen 4:30ean. Eta Sakana igaro ondoren, 10:00etatik gertu iritsi zen gure eskualdera, Imoztik. Latasa, Eraso, Etxaleku eta Oskoztik, Atetzera pasa zen. Han, Eritzegoitin hartu zuten lekukoa eta Odietan ere sartu-atera txiki bat egin zuen Gelbentzu pasatuz. Ondoren, Ultzaman barna ibili zen: Lizaso, Larraintzar eta Auza igaro zituen. Eta, Basaburuan amaitu zuen gure eskualdeko ibilbidea. Jauntsarastik Beruetera igo zen eta hortik Larraunera salto egin zuen 14:00ak inguruan.