Ostiralean bi dokumentalen proiekzioak izanen dira, 19:00etan. Larraintzarko Gizarte Etxean Patriarcado, organismo nocivo pelikula izanen da, eta bestea, Jauntsaratsen, Apeztegiberriko ganbaran: Sasiak eta Haziak. Igandean, berriz, Imotzen, Zaparen etxolan, Bellas dokumentala egonen da ikusgai.
Mobilizazioei dagokionez, ostiralean, azaroaren 24ean 11:00etan kontzentrazioa eta adierazpen instituzionalaren irakurketa eginen dute Ultzamako Gizarte Zerbitzuetan eta Basaburuko udalean; larunbat goizean, 12:00etan, Anueko udalean kontzentrazioa eginen dute; eta Basaburuko Bilgune Feministak, berriz, larunbatean 13:00etan deitu du kontzentrazioa, Aizarotzen.