Gune berria aurkezteko ekimenean, ekintzailetzan eta kooperatibismoan diharduten hainbat esperientzia ezagutzeko aukera ere izanen da. Esate baterako, Olatukoop-eko Beñat Irasuegik Euskal Herriko ekosistema kooperatiboaren inguruan hitz eginen du, eta kooperatiba esperientzia desberdinak ere izanen dira bertan: Bakaikuarrok gizarte-ekimeneko kooperatiba eta Goierriko Biziola kooperatiba.
Egitarauarekin bukatzeko, Mimukai ekintzailetza ekosistemarako gunearen inguruan hitz eginen dute Cederna Garalurreko kideek, eta instalakuntzetan bisita eginen dute ondoren. Herritarrei ekimenean parte-hartzeko dei egin diote antolatzaileek. Horretarako, mimukai@cederna.es helbidera idatzi edo 674 024 823 telefonora whatsapp bat bidali daiteke.
