Urriaren 23an antolatu dute lehenengoa, Oderizko plazan bildu eta trikuharrien ibilbidea eginen dute. 3,6 kilometroko irteraldia izanen da eta goizeko 10:00etan abiatuko da.
"Ezinbestean euskaraz bizitzeko espazio berriak sortu nahi ditugu; bai gurasook eta bai haurrek euskaraz naturaltasun osoz bizitzeko modua izan dezagun", azaldu dute bidalitako oharrean. Horrela, hilabetero-hilabetero proposamen bat eginen dute euskaratik eta euskaraz tarte atsegin bat pasatzeko asmoz.