Elkarrizketa

Boluntario poltsa osatzeko jende bila ari dira Gizarte Zerbitzuak

Ultzamako Gizarte Zerbitzuen Mankomunitateko Miren Uharte elkarrizketatu dugu Egun Ero irratsaioan. Izan ere, eskualdeko boluntario poltsa osatu nahi dute, bi alor desberdinei begira: elikagaien bankuan laguntzeko eta eskolaz kanpo gaztetxoentzako sostengu moduan aritzeko. Bietako edozeinetan izena emateko, 948 30 53 53 telefonora deitu edo 682 278 248 zenbakira whatsapp bat bidali behar da.

Lehen jarduerari dagokionez, hilabetean behin Iruñera furgonetaz joatea, han elikagaiak jasotzea eta Larraintzarra ekartzea da egin beharreko lan bat, eta loteak prestatzea bestea. Bigarrenari dagokionez, eskolaz kanpoko laguntzarako boluntario poltsa osatzen duten lehen aldia da, eta arratsaldeetan eskolako etxeko lanekin eta bestelakoekin beharra dutenei laguntza ematea da helburua.