Ultzamako jarduera eta ekintza guztiak bertan behera utzi dituzte

Ultzamako Udalak gaur goizean jakinarazi duenez, udaletik nahiz Gizarte Zerbitzuen Mankomunitatetik antolatuta zeuden ekimen eta jarduera guztiak bertan behera utzi dituzte, uholdeengatik. Besteak beste, gaur egitekoak ziren Lego Harry Potter tailerrak bota dituzte atzera, eta Gizarte Etxea eta liburutegia ere itxita egonen dira.