Saio guztietako sarrerak eskuragarri daude honezkero bertsosarrerak.eus webgunean. Zortzi bertsolari iritsiko dira Anaitasunako finalera, eta bakar batek jantziko du txapela. Harekin batera, hurrengo Bertsolari Txapelketa Nagusirako beste lau ordezkari nafarrak hautatzeko ere balioko du txapelketak.
Esan Erran irratiko Egun Ero irratsaioan txapelketa jarraituko dugu, eta horretarako, saio batzuetan Joana Ziganda bertsolari oskoztarraren laguntza izanen dugu, jarraitutako saioen kronika eginen baitigu.