Eguraldi ona eginez gero, Doneztebeko Bear Zana Plazan jokatuko dira finalak, eguerdiko 12:00etatik aurrera. Euria egiten badu, berriz, Ezkurrako pilotalekura mugituko dute ekimena.
Bost aurkari izanen ditu Iraizotzek lokotx biltze txapelketan: Irune Biurrun, Ainhoa Etxegarai, Maika Ariztegi, Sara Zapata eta Lucia Etxeberria, eta 1,25 metrora jarritako 50 lokotx bildu beharko dituzte igandeko saioan. Iaz bigarren postua eskuratu zuen Nafarroako Txapelketan Eltsoko kirolariak. Euskadikoan, berriz, txapeldun izan zen ultzamarra. Ea Nafarroakoa eskuratzerik baduen igande honetan!