Bertan behera gelditu da Ultzamako Udalari biogas-instalazioagatik eskatzen zioten kalte-ordaina

Nafarroako Justizia Auzitegi Nagusiak bertan behera utzi du Ultzamako Udalari biogas-instalazioaren kudeaketagatik Bioenergia Ultzama-ri ordaintzeko eskatzen zioten 816.271,09 euroko kalte-ordaina. Abenduaren 21ean ateratako epaiari apelazio-errekurtsoa aurkeztu zion Ultzamako Udalak, eta Justizia Auzitegiak onartu egin du errekurtsoa. Sodena eta Caja Rural-en apelazio-errekurtsoa, ordea, atzera bota du auzitegiak.

Ultzamako EH Bildu baikor agertu da epaiarekin, eta salatu du "plantaren egoera bideraezina eta prozesu judizial guztiak Agrupación Ultzamak sortu, sustatu eta kudeatutako instalazioarengatik" pairatu behar izan dituela egungo Udalak, eta gaitzetsi du "porrot tekniko eta ekonomikoaren ondorioak" ere ekimenarekin zerikusirik izan ez duen udal gobernuak kudeatu behar izan dituela.