Euskadi Saria eskuratu du Joemak eta Polasak

Euskarazko Haur eta gazte literatura saria jaso du Iñigo Astiz eta Maite Mutuberria ultzamarren liburuak. Eusko Jaurlaritzako Kultura Sailak banatzen dituen euskal literaturako saira da Euskadi Saria.

Iñigo Astiz kazetari eta poetaren liburuari buruz, epaimahaiak uste du  "haur literatura peto-petoa" eskaintzen duen liburua dela. "Estilo argi eta zuzenean idatzitako hamaika poema laburrek harridurez eta ezustez beteko gaituzte, umore dotorez, tarteka baita beltzez eta makarrez ere". Literaturaren alderik ludikoena aldarrikatzen duen lana dela iritzi dio Patxi Zubizarreta buru izan duen epaimahaiak. Poemategi "transgresorea", gainera, Maite Mutuberriaren marrazkien "indar eta konplizitate estetiko apartek" osatzen dute.

Erlazionatuak

'Joemak eta polasak' liburua atera dute Iñigo Astizek eta Maite Mutuberriak

Ultzama

'Joemak eta polasak' poesia eta ilustrazio liburua atera dute bi ultzamarrek elkarlanean. Poemen eta irudien bidez irakurleari jostatzeko gonbitea ...