Bueltan dira ostiral kulturalak Larraintzarko Bentan

Amezti.eus 2020ko ira. 15a, 10:13

Ostiral honetan hasiko dira berriz ostiral kulturalak Larraintzarko Zentro Zibikoan. Irailaren 18an izanen da lehen emanaldia: 'Mujeres del siglo 20' filmaren proiekzioa izanen da arratsaldeko 19:00etan.

Hurrengo ostiralean, berriz, Patxi Irurtzun liburuzainak bere azken lana aurkeztuko du: 'Tratado de hortografia'. Euskal Rock Erradikalari buruzko nobela da Irurtzunen azkena, eta aurkezpen hori ere arratsaldeko 19:00etan izanen da.

Koronabirusaren aurrean beharrezko segurtasun eta osasun neurri guztiak hartuko dituztela jakinarazi zuen aurreko astean Ultzamako Udalak: 36 pertsonako aforo maximoa ezarri dute, butaketan 25, eta egoki markatuak egonen dira distantziak mantentzeko.

Erlazionatuak

Ultzamako ostiral kulturalak

Amezti.eus 2020 ira 15 Ultzama

Ultzamako ostiral kulturalak

Amezti.eus 2020 ira 15 Ultzama