“Gaur egun gure haurren garapena banaka artatzea ezinezkoa egiten duen ratioari ‘Aski da!’ esaten diogu. Ratio honek langilearen prestakuntza pedagogikoa bere osotasunean abian jartzea eragozten du”, adierazi dute Nafarroako 0-3 Plataformak zabaldutako prentsa oharrean. Hurrengo egunetan mobilizazio gehiago eginen dituztela ere ohartarazi dute.
Nafarroako 0-3 urte bitarteko haur eskolak kalera atera dira gaur Haur Hezkuntzako lehen zikloan lan baldintza duinak aldarrikatzeko. Ultzamako Xinbili Xanbala Haur Eskolako familia ia guztiek ere protestarekin bat egin dutela adierazi dute eskolatik.