"Irakurri, gozatu eta oparitu" egitasmoaren bigarren zozketa maiatza bukaeran

Asier Sarasua 2018ko mai. 28a, 13:42

Marc Olagüe, Gerendiango semea, izan da apirileko zozketaren irabazlea, 39 lagunen artean, eta 30 euroko txekea erabili dezake liburudendan euskarazko liburuak erosteko.

Sylvia Dupuis-en "Hamar oilo gara" irakurri zuen, izan ere, horretan datza "Irakurri, gozatu eta oparitu" egitasmoak: euskarazko liburu bat Ultzamako liburutegian hartuz gero, fitxa bat bete eta liburu bat erosteko %35eko deskontua jasotzeaz gain, zozketan parte hartu dezakezu.

Maiatzaren 31an bukatzen da egitasmoa, eta orduan egingo dute bigarren zozketa, beraz, animatu zaitezte!