Beste toki askotan bezalatsu, Anotzibarren (Odieta) ere ihoteak ospatuko dituzte larunbat honetan. Eguerdian bazkaria izanen dute, eta arratsaldean, azken urteetan ohitura bihurtu den antzerkia eginen dute: Anotzibarren inkisizioak duela ia 500 urte egindako erailketak kontatzen ditu lanak, eta inkisidorearen erreketarekin bukatuko dute antzerkia. Gurutze Santxok eman digu ihoteetarako asmoen berri.