Elkarrizketa

Mendi martxa eginen du Haize Berriak plataformak igandean Anotzibar inguruan

Nafarroan eraiki nahi diren hainbat parke eolikoen aurka egiteko eta energia burujabetza aldarrikatzeko jaio zen Haize Berriak plataforma. Eskualde desberdinetako jendeak osatzen du taldea, tartean Anotzibarko herritarrak ere badaude. Maiatzean eta ekainean zehar bost mendi martxa eta ultratrail bat eginen dituzte eskualde desberdinetan, eta lehenengoa igande honetan izanen da Anotzibar inguruan. Gurutze Santxo plataformako kidea elkarrizketatu dugu.

Anotz herrian jarri dute hitzordua goizeko 10:00etan, bertatik Aldaun mendira igoko dira lehendabizi eta segidan Mendurrora. Haize sorgailuak joanen liratekeen tokietatik pasatuko dira martxara hurbiltzen diren herritarrei informazioa emateko. Platafofrmatik jakinarazi dutenez, edonork egiteko moduko ibilbidea da igandekoa, eta herritarrak bertan parte hartzera deitu ditu. Informazio guztia https://mendimartxaknafarroa.org/ webgunean aurkitu daiteke.