Odietako Udalak ibilbide gidatua antolatu du irailaren 29an Gaskueko San Urbano ermitatik abiatuta. Bertako landareak eta geologia ezagutzeko aukera paregabea izanen da. "Aurkitu ezazu gure begiekin ikusi ohi ez duguna; gure aitona-amonek bazekitena baina guk orain berriz ikasi behar duguna. Aztarnak eta seinaleak ikusiko ditugu, landareen erabilera, nola eratu zen geologikoki gure ingurua, eta abar".
Goizeko 10:00etan jarri dute zita ermitako aparkalekuan. Informazio gehiagorako 012 telefonora deitu daiteke.