Disidentziak musikan

Oihana Fernandez Iturri abeslariaren Disidentziak musikan kolaborazio berri bat izan dugu gaurko irratsaioan. Kongoko Errepublika Demokratikoko 'Staff Benda Bilili' taldea ekarri digu gaur, lingala hizkuntzan "begiratu itxuratik harago" esan nahi duena. Poliomielitis gaixotasunagatik gurpildun aulkian edo haiek eraikitako trizikloetan ibiltzen dira taldekide gehienak, eta Kinshasako kaleetan elkartu ziren denak. Altxor ederra, udaberri kutsuko doinuz girotua dator gaurko kolaborazioa!

Kurdistango musikariak izan dira Oihana Fernandez abeslariaren gaurko kolaborazioko protagonistak. Aspaldiko artistak eta berriak, jasaten duten zapalkuntzari aurre egiteko tresna izan dute musika Kurdistango musikariek, erresistentziarako bide. Meryem Xan, Aynur Dogan eta Helly Luv izan dira gaurko musikariak. 

Oihana Fernandez Iturri abeslariak gidatzen du 'Disidentziak musikan' kolaborazioa, eta hilabetero musikaren munduko ertzetako artistak dakarzkigu. Gaurkoan, Brasilgo musika izan dugu hizpide eta entzungai: disidentziak musikan, Brasilen. 

Musikaren historiari errepasoa ematen ari gara aurtengo ikasturtean Oihana Fernandez abeslariaren laguntzarekin. Hori bai, fokua letra larrizko Historiaren itzalean gelditu diren horiengan, disidentzietan jarriz. Gaur, swingaren hastapenez eta emakumezkoek gidatu zituzten Big Band-ez aritu gara. 

'Disidentziak musikan' kolaborazioa gidatzen du Oihana Fernandez abeslariak, musikaren historian itzalean gelditu diren horiek lehen lerrora ekarriz. Gaurkoan, Rock & Rollaren sustraietara joko dugu. Elvis Presley edo Chuck Berry datozkigu burura, baina ezezagunak izanen zaikigu gehienoi Menphis Minnie, Sister Rosetta edo Big Mamma Thornton izenak. Bada, horiek izan ziren benetan Rock & Rollaren aitzindariak!  

'Disidentziak musikan' kolaborazioa estreinadu dugu gaur Oihana Fernandez abeslariarekin. Lehen kolaborazio honetara bluesaren damak ekarri dizkigu.