Nafarroako Gobernua Solera Fundazioarekin batera, adinduendako zerbitzu ibiltariak eskaintzen hasi da Imotzen, Basaburuan, Atetzen eta Ultzaman. Proiektu horren baitan, abuztuaren 17an, astelehenarekin, 'Egunerokotasunerako estrategia kognitiboak' tailerra emanen dute Etxalekun.
Goizeko 9:30ean izanen da tailerra, eta bertan, memoria, arreta eta beste zenbait gaitasun kognitibo sustatzeko teknikak eta tresna praktikoak ikasiko dituzte. Tailerra doakoa izanen da, eta bertan parte hartzeko aurrez izena eman beharra dago esteka honetan.
