Naparroan euskararen giroa
Napar Gobernun Chivite nausi,
Gure hizkuntza berriz estu,
Ez baitu maite pixer bat ere;
Eta dena bere esku.
Bide zarretik saiatzen da ta,
Eztu berririk agertu,
Zarra tamalez, ez du zuzendu,
Geiago dena, okertu;
Indar batean, bizkarra emanez,
Egin baitigu baztertu.
Beituta zorrotz gure euskera,
Hizkuntza guzin lorea,
Haiñen ederra haiñen goxoa,
Bai al du Mundun parea?
Inbidiz josik esaten dute:
Hizkuntz hori da pobrea;
Aleman, ingles eta frantsesak
Omen dute balorea.
Pesene, Upene, bai eta Franco
Zein da txarra, zein da hobea?
Gimeno jauna eta Chivite,
Hauek resta eta ez suma.
Urteak pasa, eta okerrago
Euskaran etorkizuna;
Gure eskaerak beti hutsean,
Ta exkaxa erantzuna;
Nire ahotik, ateratzen da
Hoien kontrako isuna.
Saiatuko naiz, gogor mantentzen
Gure hizkuntza kuttuna.
Oharrak:
-Hamarreko handia edo bost puntuko handia, bertsolaritzan, 10 eta 8 silabako bost ahapaldi dituen bertsoa da.
-Chivete andrea: Nafarroako presidentea
-Gimeno jauna: Hezkuntza kontseilaria.